Bíum, bíum barnið gott,
bráðum kemur heldimm nótt.
Sælt er þá að sofa,
saklausum, vært og rótt.
Suma firrist svefninn,
sekum er hvergi rótt.
HEIÐUR:
Sá ég fljúga svani um heiðloftin há,
heyrði ég þá syngja mér hamingju spá.
Sá ég fljúga svani um suðlægan geim,
ef sungið ég gæti og flogið með þeim,
Ó, það væri gaman, - gaman.
Einsöngur
Leitið til hans, sem harmana skilur.
Huggun það veitir og sálar frið.
Sá hinn breyski brot sín kannist við,
og biðji einlægur guð um frið,
og flýi að hans föður hjarta.
Og hann mun þar hugsvölun finna.
Því leitið hans, sem harmana þekkir og skilur.
Og hann mun bjarga.
Sóló (Mezzo-sópranó)
Unun og hlýja var inni,
úti gekk stormur og hregg,
haustsvalt með oddi og egg.
Næðandi viðu og negg.
Hlóð fyrir hlið og dyr
hríðefldur norðan byr.
Sóló. Þórhallur spám. (Bassi)
Veit ég þinn arfi verður í starfi,
þjóðvaxtar þarfi, hinn þegnskapar djarfi.
Hnípi ég yfir hljóðum grun, --
hann er í hvarfi.
Sóló. Húsfreyja. (Sópran.)
Hjá ástvinum öllum, hjá ættingjum snjöllum
svo konum og körlum
(er kenna þig svo orku ramman
að létta skap og lífga gaman.)
Þið skerpið skemmti ræður,
og skarið fornar glæður.
Þið ljóðið lauf í skóginn
og lóuna í móinn,
og vermið svo veturinn
(að vorið ilmar gegnum snjóinn.)
Drupal vefsíða: Emstrur
