Uppkast frá vetrinum 1914-15 en hreinskrifað með talsverðum breytingum 1919. Mikið notað sem stólvers í Sambandskirkjunni í Winnipeg hin næstu ár og sungið af Kirkjukór Akureyrar á aldarafmæli séra Valdimars Briem 1. feb. 1948 og oftar við hátíðleg tækifæri.

Dúett og kór með sóló fylgirödd (obligato) og undirspili.

Sópran I og II dúett

Nú enn er komin aftanstund

og allt er kyrrt og hljótt:

Oss aftankyrrðin boðar blund

og býður góða nótt.

En svo vér getum sofnað rótt

þarf sálin ró og frið.

Hver getur fengið góða nótt

sinn Guð ei sáttur við?

Sópran sóló (obligato) og kór

Í kvöld oss hæga hvílu bú

og hollan gef oss frið.

Í nótt og allar nætur þú

oss nauðum forða við.

Í kvöld oss alla náða nú;

í nótt oss vertu hlíf.

Með nýjum degi náð veit þú

oss nýtt að byrja líf.

Sópran yfirrödd

Gef oss Drottinn góðar nætur.

Góða nótt. Góða nótt.

Kór

Á hinsta kvöldi hjá oss ver/ (Gef oss Drottinn góðar nætur.)

og heim oss leið til þín,

þar fagur dagur ætíð er/ (Gef oss Drottinn góðar nætur.)

og eilíf sólin skín.

Gef oss drottinn góðar nætur. / (Góða nótt ... góða nótt.)

Sópran:

Sjá! Öræfin og hið gróðursnauða land verður grænt.

Það mun fæða blómstur fríð og fagna sælli tíð.

Sjálfur guð hjá mönnum hefur heimkynni reist,

og hjá þeim vill hann dvelja, 

og þeir hans þegnar verða.

Sópran og tenór:

Guð mun hugga þann, hvers harmur er sár,

og hryggð hins grátna í fögnuð snúa.

Karlakór:

Þar mun ei ríkja hel, eður þrautatár þjaka.

Þá mun liðin hjá öll reynslutíð.

Kór:

Guð mun hugga þann hvers harmmur er sár,

og hrygð hins grátna í fögnuði snúa.

Þar mun ei ríkja hel, eður þrautatár þjaka.

Þá mun liðin hjá öll reynslutíð.