Vefsíðu þessari er ætlað að halda utan um tónverk Björgvins Guðmundssonar þannig að þau verði aðgengileg á rafrænu formi. Unnið er að því að setja upp gagnagrunn þannig að leita má eftir ýmsum flokkum s.s. kórum, einsöngslögum, sálmum og fleiru. Hægt verður að sjá í hvaða tónhæð sönglögin eru, hlusta á tóndæmi (þegar þau eru til) og fá sýnishorn af lögunum. Einnig verður hægt að skoða texta laganna.

Þónokkuð er komið inn af efni og mun bætast við gagnagrunninn hægt og bítandi. Auk gagnagrunnsins má svo líta ýmsan fróðleik, efni sem Björgvin hefur sjálfur skrifað og myndir með viðbótarefni til gamans.

Minningarsjóðurinn var stofnaður þann 17. janúar árið 2000 í Reykjavík.

Að sjóðnum standa nokkrir áhugamenn um tónlist Björgvins og er tilgangurinn sá að stuðla að útgáfu, flutningi og kynningu á verkum hans.

Tilgangi sínum hyggst félagið ná með því að leita stuðnings listamanna, velunnara, útgáfufélaga og annarra.

Í stjórn Minningarsjóðsins eru:

Björgvin R. Andersen, formaður: brahh@internet.is

Karl Andersen, gjaldkeri: andersen@landspitali.is

Fríða B. Andersen, ritari og umsjónarmaður vefsíðu: bonnie@mmedia.is

Eftir Björgvin liggja fjölmörg verk (5-600) og hefur aðeins hluti þeirra verið gefinn út enn sem komið er. Meðal þekktari verka Björgvins má nefna Íslandslag við kvæði Gríms Thomsen (Heyrið vella á heiðum hveri) og Þei, þei og ró, ró við samnefnt kvæði Gests.